Бүгін еліміздің бірнеше өңірінде дауылды ескерту жарияланды

«Қазгидромет» мамандарының болжамына сәйкес, еліміздің оңтүстік және оңтүстік-шығыс аймақтарында күшті жел, жаңбыр, найзағай және бұршақ күтіледі. 

Түркістан, Алматы және Жетісу облыстарында желдің екпіні кей жерлерде секундына 30 метрден асып, аса қауіпті деңгейге жетуі мүмкін.

Шымкент, Түркістан қалаларында және Алматыда найзағай ойнап, қатты жел соғып, бұршақ жаууы ықтимал. Таулы аймақтарда жауын-шашын күшейеді.

Алакөл маңында да жел күшейіп, қауіпті жағдай қалыптасуы мүмкін.

Сонымен қатар, бірқатар өңірлерде тұман мен көктайғақ болжануда. Қарағанды, Шығыс Қазақстан, Абай және Ұлытау облыстарында жаңбыр мен қар аралас жауын жауып, көріну қашықтығы нашарлайды.

Қызылорда облысында шаңды дауыл мен қатты жел болуы мүмкін. Ал Түркістан және Алматы облыстарының батысы мен солтүстігінде жоғары өрт қаупі сақталады.