БҚО-да колонияға тыйым салынған заттарды өткізбек болған кәсіпкер ұсталды, деп хабарлайды Alash.kz.
Батыс Қазақстан облысында №28 түзету мекемесіне тыйым салынған заттарды жеткізуге бағытталған арнаның жолы кесілді. Құқық қорғау органдары жеке кәсіпкерді қылмыс үстінде ұстады.
Ресми мәліметке сәйкес, күдіктіден ZIP-пакеттерге салынған марихуана, 17 ұялы телефон, SIM-карталар, түрлі кабельдер, сондай-ақ аудио және бейнеқұралдар табылып, тәркіленді.
Аталған дерек бойынша Ұлттық қауіпсіздік комитетінің департаменті сотқа дейінгі тергеуді бастады. Қазіргі таңда оқиғаның барлық мән-жайы анықталуда.
