Маңғыстау облысында 13 жасар жасөспірімді зорлады деген күдікпен ер адам қолға түсті, деп хабарлайды Alash.kz Lada.kz-ке сілтеме жасап.
Бастапқыда ақпарат әлеуметтік желіде жарияланған. Оны полиция департаменті ресми түрде растады. Ақпаратқа сәйкес, кәмелетке жетпеген балаға қатысты жыныстық сипаттағы азғындық әрекет жасалғаны туралы ресми арыз 4 қарашада түскен.
Полиция мәліметі бойынша, жәбірленушінің жасы – 13, күдікті 29 жаста.
«Осы факті бойынша ҚР Қылмыстық кодексінің 121-бабының 4-бөлімі (Жыныстық сипаттағы зорлық әрекеттер) бойынша қылмыстық іс тіркелді. Күдікті анықталып, ұсталды және сот шешімімен екі ай мерзімге уақытша ұстау изоляторына қамалды», — делінген ресми хабарламада.
Оқиғаның барлық мән-жайы анықталып, арыздағы деректер тексерілуде, қажетті сараптамалар тағайындалған.
