Марқұм Шерзат Полаттың тергеу ісі әлі бітпеді, деп хабарлайды Alash.kz.
Сот ісін жүргізушілер 2024 соңына дейін іс тергеу жұмыстары бітеді деп айтқан еді. Алайда ол әлі де жалғасуда.
«Алматы облысының Полиция департаментінде Талғарда кісі өлтіру фактісі бойынша қылмыстық іс тіркелді. Одан бөлек ұрлық, бұзақылық, қорқыту және қылмыс туралы хабарламау фактісі бойынша қосымша 8 қылмыстық іс тіркелді. Істің 11 қатысушысына қатысты «қамауда ұстау» бұлтартпау шарасы таңдалды. Қазіргі уақытта сотқа дейінгі тергеу жүргізіліп жатыр, нәтижелері бойынша процестік шешім қабылданады», — делінген ІІМ-нің жауабында.
Еске салайық, бұған дейін 4 қазанда Талғар қаласындағы төбелестен бір жасөспірім қайтыс болғанын жазғанбыз.
