«Қайсар қыз» атанған Айжан Талғатқызы туралы ғаламторда ақпарат аз. Өзі әлемеуметтік желігеде тірмелмеген. Бірақ прокурордың “Астана ақшамы” газетіне берген сұхбатынан мәлімет беруді жөн көрдік.
Айжан Талғатқызы 1987 жылы Солтүстік Қазақстан облысында дүниеге келген. Манаш Қозыбаев атындағы Солтүстік Қазақстан мемлекеттік университетінің заң факультетінің түлегі. Еңбек жолын Солтүстік Қазақстан облыстық қылмыстық істер жөніндегі сотының бас маманы болып бастаған. Қазіргі таңда Астана қаласының прокуратурасында қызмет етеді.
Қала прокурорының аға көмекшісі, кіші әділет көмекшісі лауазымы қызметінде. “Прокуратура үздігі” төсбелгісі, т.с.с. Құқық қорғау органдарының түрлі марапат-медалінің иегері.
Сонымен қатар Айжан Талғатқызы – отағасы екеуі үш бала тәрбиелеп отырған үлгілі отбасы. Бос уақытында көбіне перзенттерімен табиғат аясына шығып серуендегенді, спортпен айналысқанды жаны қалайтын көрінеді.
Волейболдан командалық жарыстарда жүлделі орындарға ие болып, Құқық қорғау органдары академиясы ректорының қолынан “Үздік либеро” дипломын да алған екен. А.Аймағанова былтыр Қайрат Боранбаевтың, биыл Қуандық Бишімбаевтың ісінде айыптаушы жақта болып, ұшқыр ойы, сауатты жұмысы үшін халық ризашылығы мен сүйіспеншілігіне бөленіп отыр.
