Венгрия премьері Виктор Орбан Еуропа Одағы Ресеймен соғысқа бет алып жатқанын айтып, 2030 жылға дейін толық әскери дайындық қажет екенін мәлімдеді, деп хабарлайды Alash.kz.
Виктор Орбан Кечкеметтегі билік партиясы «ФИДЕС — Венгрия азаматтық одағы» жиынында ЕО-ның Ресейге қарсы әскери қадамдарға көшіп жатқаны туралы айтты.
Премьердің сөзінше, әскери қақтығыс әдетте төрт кезеңнен тұрады. Олар: дипломатиялық қатынастарды үзу, санкциялар енгізу, экономикалық байланыстарды тоқтату және соңында тікелей қақтығыс.
Орбан: «Венгрияның басты міндеті – «Еуропаны соғыстан сақтау», бірақ ЕО елдері әскери экономикаға көше бастады. Көлік кәсіпорындарын қару-жарақ өндірісіне бағыттау сияқты. Премьер «Еуропалық көшбасшылар Еуропа соғысқа кіретінін шешті» деді.
Бұған дейін Венгрия сыртқы істер министрі Петер Сийярто ЕО стратегиялық құжаттарында 2029 жылға қарай толық әскери дайындыққа қол жеткізу көзделгенін айтқан.
«Еуропалық лидерлер соғысқа қатысуға арнайы шешім қабылданды. Ресми ұстаным бойынша, біз 2030 жылға дейін бұған дайын болуымыз керек. Осы айтқанымды ескерсек, жағдай өте күрделі», — деді Венгрия премьері Орбан.
Ресейде Батыстағы соғысқа қатысты риторика қадағаланып отыр. Федерация кеңесінің вице-спикері Константин Косачев жаңа соғыстың мүмкіндігі туралы еуропалық мәлімдемелерді қауіпті деп бағалады.
Сауалнама нәтижесіне сәйкес, ЕО тұрғындарының жартысына жуығы Ресеймен соғыс қаупін жоғары деп есептейді, ең көп қорқатындар Польшада, ал ең сабырлысы Италияда.
Владимир Путин Ресей Еуропамен соғысқысы келмейтінін, бірақ егер бастаса, Мәскеу «дәл қазір» жауап беруге дайын екенін айтқан.
