Солтүстік Қазақстан облысы Тайынша ауданына қарасты Петровка ауылында 17 жастағы бойжеткеннің қайтыс болуына байланысты полиция сотқа дейінгі тергеп-тексеруді бастады, деп хабарлайды Alash.kz.
Ауылдағы жеке тұрғын үйлердің бірінде орын алған қайғылы оқиға орнына 1 қараша күні кешкі сағат 17:30 шамасында жедел жәрдем шақырылған болатын. Десе де, шақыру бойынша жеткен медицина қызметкерлері жасөспірімнің көз жұмғанын растауға мәжбүр болды.
Алдын ала болжам бойынша, бойжеткен өз өмірлік жолын қиып, өзіне қол жұмсаған. Қазіргі уақытта облыстық полиция департаменті оқиғаның барлық мән-жайын және осы қайғылы жағдайға түрткі болған себептерді жан-жақты тексеріп жатыр. Тергеу амалдары аяқталған соң іс бойынша тиісті процессуалдық шешім қабылданады.
