Экс-президент Нұрсұлтан Назарбаевтың жиені марқұм Айсұлтан Назарбаевтың Трампқа қатысты айтқан болжамы орындалды, — деп хабарлайды Alash.kz ұлттық порталы Dalanews.kz сайтына сілтеме жасап.
2020 жылы Айсұлтан әлеуметтік желідегі парақшасында Дональд Трамп 2024 жылы екінші рет АҚШ президенті болатынын айтқан.
«Трамп екінші рет президент болып, Америкада демократия жоқ деген шындық ашылады. Ол жерде бәрі ақшамен шешіледі! Трамп АҚШ тарихындағы соңғы президент болады. Бүкіл әлем ұлы державаның ыдырағанының куәсі болады», — деп жазған еді Айсұлтан Facebook парақшасында.
Айсұлтан Назарбаев осы жазбасын жазғаннан кейін екі айдан соң қаза тапты.
Еске салайық, бүгін АҚШ-тағы президент сайлауының алдын ала нәтижесі шықты. Америка Құрама Штаттарындағы президент сайлауының жеңімпазы — Дональд Трамп.
