Мәскеу Украинаның оккупацияланған аумақтарының тұрғындарын Ресейдегі президенттік сайлауға қатысуға мәжбүрлеп, алдын ала ауқымды науқан бастаған.
Ресейде сайлау алғаш рет үш күн ішінде, яғни 15-17 наурыз аралығында өтіп жатыр. Бірақ Украинаның төрт аймағы - Запорожье, Херсон, Донецк және Луганск оккупацияланған аумақтарында мерзімінен бұрын дауыс беру алдын ала жүргізілген.
Жергілікті тұрғындардың айтуынша, Ресей билігімен ынтымақтаса жұмыс істейтіндердің қарулы сарбаздармен бірге үй-үйді аралап сайлаушыларды іздеп жүргеніне шағымданды.
Әрине, Владимир Путин тағы бір мерзімге президент болып қала береді, бірақ сайлаушылардың жоғары белсенділігі Кремльге оның билігін жалғастыру үшін көмектеседі. Дауыс берушілердің жоғары болуы Ресейдің Украинаға басып кіруін ақтау үшін де қолданылады. Путин сайлау бюллетенінде төрт үміткердің бірі ретінде көрсетілген, бірақ оған ешкім нақты бәсекелестік тудырмайды. Оның нағыз қарсыластары қуғынға ұшырады, түрмеге жабылды немесе өлді, деп жазады bbc.com
Дауыс беру әдетте Ресейдің шалғай аймақтарында ертерек басталады, бірақ қазір бұл тәжірибе «қауіпсіздік мақсатында» Украинаның жартылай басып алынған төрт аймағында жүріп жатыр.
Басқыншылықта өмір сүріп жатқан украиндықтар әртүрлі жолмен дауыс беруге мәжбүр.Қазірдің өзінде украиндықтарға Ресей төлқұжаттарын алу үшін айтарлықтай қысым жасалуда, бірақ дауыс беруді жеңілдету үшін украин паспорттары әлі де қабылданады, деп жазады bbc.
