Қостанайда 40 мың тұрғын бір емханаға зар болып отыр. Қалада жаңадан бой көтерген шағын аудандарда әлі бір де бір емхана салынбаған.
10 жылда тұрғындар саны 40 мыңға жетсе де, жергілікті билік құрылыстың жобасын жасауға асығар емес. Тіпті, балаларға арналған шағын емхананы жауып тастауы мүмкін.
Ересек науқастарды қаланың әр түкпіріндегі емханаларға сабылтып қойды. Енді бүлдіршіндерге де осы әдісті қолданбақшы ма?
