Солтүстік Қазақстан облысында 19 жастағы жас жігіт суицид жасаған. Оқиға Айыртау ауданына қарасты Саумалкөл ауылында тіркелді, деп хабарлайды Alash.kz.
Ауыл тұрғындарының айтуынша, жас жігіттің денесі аулада (н/е бақшада) табылған. Мектепті аяқтағаннан кейін ол жұмыс істемеген және оқымаған. Саумалкөл ауылының тұрғындары отбасы жайлы «қарапайым жанұя» деп сипаттайды, ата-анасы жұмыс істейді. Жігіттің несие алғаны немесе көзге көрінерлік проблемалары болмаған.
Облыстық полиция департаментінің мәліметінше, бұл факті бойынша ҚК 105-бабы (өзіне қол жұмсау) бойынша қылмыстық іс қозғалған.
«Алдын ала ақпарат бойынша, ол суицид жасаған. Қылмыстық іс тіркелді. Оқиғаның себептері мен мән-жайлары анықталып жатыр», – делінген СҚО ПД баспасөз қызметінің хабарламасында.
