Нұрбек Оралбайды қарсы алуға жанкүйерлері, туыстары жиналды.
Олар қарсы алуға Қазақстанның Мемлекеттік туын, боксшының суретін алып шықты.
Жанкүйерлерінің алдында боксшы:
"Өкінішке қарай, 2-орын болып қалды. Сіздер үшін алтын алғым келіп, қазақ елін қуантып, әнұранды шырқатқым келген еді. Осы жолы бұйырмапты. Келесі Олимпиада ойындарында барымды салып, Алла қаласа, елге абыроймен оралып, қазақ елін, қуантамын деп ойлаймын", - деді боксшы.
Айта кетейік, 80 келіге дейінгі салмақта өнер көрсеткен Нұрбек үшін Париж рингі финалға шығып, күмісті қанжығасына байлаған алғашқы Олимпиада болды.
