Павлодарда орналасқан әскери бөлімдердің бірінде келісімшарт бойынша қызмет ететін әскери қызметші қаза тауып, тағы біреуі жарақат алды, деп хабарлайды Alash.kz.
Ішкі істер министрлігінің бастапқы мәліметіне сәйкес, қайғылы жағдайға әскери қызметшінің өзіне бекітілген қарудан оқ атуы себеп болған. Қазіргі таңда оқиғаның толық мән-жайы зерттеліп, зардап шеккен азаматқа тиісті медициналық көмек көрсетілуде.
Құқық қорғау органдары аталған дерек бойынша сотқа дейінгі тергеп-тексеру амалдарын бастап кетті. Алдын ала болжам бойынша, қару қолданған әскери қызметші оқиға орнында көз жұмған, ал оның әріптесі алған жарақатымен ауруханаға жеткізілген. Мамандар қарудың қолданылу себептерін және әскери бөлімдегі ішкі тәртіптің сақталуын тексеру үстінде.
