Қоғам белсендісі Тұрарбек Құсайынов Алматыдағы Тұңғыш президент паркіне қойылған Нұрсұлтан Назарбаевтың ескерткішіне демонтаж жасап, оның орнына Ресей мен Украина қақтығысында опат болған Украина батыры АЛЕКСАНДР МАЦИЕВСКИЙ-ге ескерткіш-мүсін орнату туралы өзінің парақшасында бастама көтеді, деп хабарлайды Alash.kz.
Автордың айтуынша, соңғы уақытта Украина мен Қазақстан арасындағы достық пен қарым-қатынас суып, сызат түскен. Бұған Швейцариядағы бейбітшілік саммитке қатыса алмаған ҚР билігі мен белгілі оппозиционер-журналист Айдос Садықовқа жасалған қастандық себеп болып отыр дегенді алға тартыпты.
Қоғам белсендісінің айтуынша, қазақ халқы Украинаның өз жерін басқыншылардан түгел қайтарып алудағы ұлт-азаттық жанқиярлық ерлігін толық қолдайды және қолынан келгенше көмегін де беріп жатыр.
Автор бұған дейін Атырау әкімдігінен Украинаның ұлт батыры АЛЕКСАНДР МАЦИЕВСКИЙ-ге арнап көше атын беру туралы өтініш жазған, бірақ жергілікті әкімдік белсендінің ұсынысын қабылдамапты. Ендігі үміті Алматы әкімдігінде көрінеді.
"Егер Алматы әкімдігі рұқсат берсе,жалғыз пәтерімді сатсам да, АЛЕКСАНДР МАЦИЕВСКИЙ-ГЕ өз қаражатыма ескерткіш-мүсін орнатамын деп шештім" дейді, "Демос" ҚБ төрағасы.
