Рэкетир фильмі арқылы танылған актер Мұрат Бисенбин инстаграмда арнайы жазба жариялап, ауыр дертпен күресіп жатқан шағында қолдау танытқан азаматтар мен оқырмандарына алғыс айтты, – деп хабарлайды Alash.kz ұлттық порталы актердың жеке парақшасына сілтеме жасап.
"Мені бұл еш дерт жеңе алмайды. Мен мұның бәрінен жеңілмей өтемін", – деп жазлы.
Сонымен қатар, ол хабарламада ақшалай көмек қолын созып жатқандарға және көңілін көтеріп, моральдық тұрғыда жанынан табылғандарға алғысын білдірді.
Еске салсақ, Мұрат Бисенбиннің дертке шалдыққаны туралы актер, досы Саят Исембаев 1 апта бұрын хабарлап, халыққа жеткізген әрі оның еміне қаражат жинауға шақырған болатын.
