"Коттедж және автокөлік сатып алған" - «Даму баланың» қаржысын жымқырғандар сотталды

«Даму бала» балалар спортын және шығармашылығын қолдауға арналған платформасы арқылы бірқатар кәсіпкерлер қызмет көрсетеді. Мониторингтік топ құрамында болған қатысушылардың бірі кәсіпкерлерге тексеріс нәтижелерін шешіп береміз деп ақша бопсалаған, деп жазады Alash.KZ.

Нәтижесінде олар 88 млн теңгеден астам қаражатты алған, оның бір бөлігі коттедж және автокөлік сатып алуға жұмсалған.

Соттың санкциясымен бұл мүлікке тыйым салынды.

Сот үкімімен басты айыпталушы 6 жылға бас бостандығынан айырылып, мүлкі тәркіленді. Ал сыбайласы 5 жылға шартты түрде бас бостандығынан айырылды.