Атырау облысында орын алған қайғылы оқиғадан кейін қоғамның назары мен қолдауына ие болған Ақбаян Мұқанғалиеваның жақыны әлеуметтік желіде әсерлі жазба жариялап, оның ауыр күндердегі көз жасын алғаш рет көргенін жеткізді, деп хабарлайды Alash.kz.
Соңғы екі ай көлемінде Ақбаянға тірек болып, оның ауыр сәттерінде қасынан табылуға тырысқан автор екеуінің арасында ерекше бауырмалдық пен шынайы сенім қалыптасқанын атап өтті. Басынан өткен сын сағаттар мен қиындықтардың салдарынан кейіпкердің осы уақытқа дейін сыр бермегенін айтқан жақыны өз лебізін төмендегідей жеткізді:
«Ақбаянның жанына жалау еткен, арқа сүйеп, кейде еркелеп, көбіне қырсығатын адамына айналғаныма екі ай болыпты. Қасымда жүргелі жылауын бірінші рет көріп отырмын. Көздеріңнен тек қуаныштың жасы ақсын, аппақ бауырым».
Бұл жүрекжарды жазба Ақбаян Мұқанғалиеваның осы уақытқа дейін қандай моральдық қиындықтарды еңсеріп жатқанын және жақындарының қолдауы мен жанашырлығы оған қаншалықты маңызды екенін айқын аңғартады.
