Тірі болсам, қазаққа қызмет етпей қоймаймын!

Әлихан Бөкейхан

Жер бетінде 30 жылда 17 білім министрі ауысқан бірде-бір мемлекет жоқ: Ақынның Қазақстан ғылымына көңілі толмайды

08 шілде 2024 584

Ақын Бақыт Беделхан Дулат Тастекейге берген сұхбатында елімізде дәстүрлі мектептерді дамытуды қолға алу керегін айтты, - деп хабарлайды Alash.kz ұлттық порталы Massaget.kz сайтына сілтеп.

Ақын елімізде дәстүрлі мектептерді дамыту керегін айтты.

"Мысал

ы, 10 мың баланы дәстүрлі мектепте оқытса, заманауи форматта әлем ғылымын меңгере алатын және өз ұлтын сақтап қала алатындай, намыстана алатындай ұрпақ тәрбиеленсе, 10 мың баланың өзі жетеді. Сол 10 мың бала бір адамның атқарып отырған жұмысын мың есе жеңілдетеді. Сол 10 мың бала алдын да, артын да оқытып, көппен алып кетеді. Дәстүрлі мектепті дүркірету керек", - дейді Бақыт Беделхан.

Ақын еліміздегі білім саласына көңілі толмайтынын жеткізді.

"Бірақ бізде болмай жатыр. Жер бетінде 30 жылда 17 білім министрі ауысқан бірде-бір мемлекет жоқ. Білім жүйелі болмай, қоғамның жүйкесі таза болмайды. Сондықтан да білім мәселесін балабақша, бастауыштан, мектептен бастау керек. Одан кейінгісін әлемдік дүниеге тастау керек. Одан кейін баланың санасы да алып кете алады, білім-парасаты да жетеді. Ал біз балабақшадан ағылшын тілін, орыс тілін кіргіземіз, бастауышта үш тілді оқы дейміз. Не оқып жатырғанын өздері білмейді. Мен "5"-ке оқыған адаммын, бірақ бастауыштың сабағын түсінбеймін",  - дейді ол.

Бұл мақала туралы не ойлайсыз?