АҚШ-тың Мичиган штатында әйел мен оның күйесі өз қызын және оның сәбиін өлтірді деп айыпталды. Бұл оқиға туралы Alash.kz ұлттық порталы People басылымына сілтеме жасап хабарлайды.
Тергеу мәліметтері бойынша, 3 қарашада 22 жастағы Ребекка Парк орманға әкелінген және оның жатырынан сәбиі кесіп алынған. Қайғылы оқиғаның салдарынан қыз да, сәби де тірі қалмаған. Прокуратура өкілі Кортни мен Брэдли Бартоломьюдің әрекеттерін «таза зұлымдық» деп бағалады.
Қылмыс күні Кортни өз 14 жастағы ұлына тыныштандырғыш беріп, видеода «түнде анасы жанымда болды» деп айтуға мәжбүрлегені белгілі болды. Алайда бала дәрінің әсерінен нақты болған жайттарды еске түсіре алмайтынын мәлімдеді.
Ребекка Парктың денесі 23 қарашада табылды. Ол бір айдай із-түзсіз жоғалған еді. Сараптама қорытындысы бойынша қыздың жатырынан сәбиі кесіп алынғаны расталды. 2 желтоқсанда прокуратура Кортни және Брэдли Бартоломьюға Парктың ата-анасына қатысты ауыр айыптар таққан.
Қазіргі таңда екеуі алты ауыр қылмыс бойынша айыпталуда және өмір бойына бас бостандығынан айырылуы мүмкін. Кортни мен Брэдли Бартоломью қазір кепілсіз қамауда отыр, ал тергеу жұмыстары жалғасуда деп хабарлайды.
