"Қазақстан Республикасының Ұлттық қауіпсіздік комитеті, Оянамыз!" деп дабыл қақты белгілі заңгер Айгүл Орынбек өзінің әлеуметтік желідегі парақшасында.
Айгүл Орынбек студияға Айша есімді никаб киген қызды шақырып сұхбат құрады. Заңгер қыздан "Теледидар көресіз бе?" деп сұрайды. Қыз "Бізге теледидар көруге рұқсат бермейді. Оған күйеуім қарсы. Біз күйеуіміз не жаса десе, соны жасауға міндеттіміз" деп жауап береді.
Одан ары заңгер "Күйеуіңіз адам өлтір десе, өзіңді жарып жібер десе, сондай әрекетке барасыз ба?" деп сұрайды.
"Жеңісбек айтса бармаймын. Жоғарыдағы ахилар айтса, дінге қарсы шықса, басқа амал қалмаса, істеуі мүмкін" деп анық жауап береді бетперделі қыз.
"Айша 13 жасынан зорлық зомбылық көрген. Зомбылық жасаған еркек Айшаның тырдай жалаңаш сурет, видеоларын әлеуметтік желіге саламын деп бопсалаған.
Сарыағаш аудандық полициясы Айшаның арыз шағымын жаба салғанына қарағанда, бұл ағымдағылар шынында да күшті болып тұр", деп жазады Айгүл Орынбек.
