Қазақстандық балуан Эльмира Сыздықова күрестен Аичи-Нагояда (Жапония) өтіп жатқан Азия ойындарында күміс жүлдегер атанды, деп хабарлайды Alash.kz.
ҰОҚ мәліметінше, 76 келіге дейінгі салмақтың финалында отандасымыз жапониялық Юка Кагамимен жолықты.
Белдесу 5:1 есебімен Жапония өкілінің пайдасына аяқталды.
Ал Эльмира Сыздықова Азиаданы күміс медальмен қорытындылады.
Айта кетейік, бұл Эльмира Сыздықованың Азия ойындарындағы екінші жүлдесі. Бұрымды балуанымыз бұған дейін Джакарта-2018 ойындарында қола медаль алған.
