ҚР Еңбек министрі Светлана Жақыпова үкімет кулуарында әлемге әйгілі брендтердің репликаларын киетінін мәлімдеді, деп хабарлайды Alash.kz ұлттық порталы.
Еңбек министрі әрқашан Dior логотипі бар көзілдірік киеді. Қазақстандықтардың табысы туралы журналистермен әңгімелесу барысында ол аяқ астынан көзілдірігінің реплика екенін, мейрамханалардағы кешкі астар мен шетелде демалуға ұмтылмайтынын айтты.
"Менің Dior көзілдірігім – жақсы реплика. Мекен-жайымен бөлісе аламын. Олар 25 мың теңге тұрады. Сондай-ақ, костюмді қайдан алуға болатынын да айта аламын. Репликаларды киемін, және бұл мен үшін ұят емес. Мен бренд киімдерін киюге, әдемі өмір сүруге, мейрамханада кешкі ас ішуге немесе шетелде демалуға ұмтылмаймын. Менің ар-ожданым таза. Мен өз еңбек жолымда ешқашан шетелде демалған емеспін. Мен Қазақстанға адалмын", – деді Светлана Жақыпова.
Министр сондай-ақ, егер адам ең төменгі жалақыдан артық табыс тапқысы келсе, әдемі өмір сүргісі келсе, бүкіл еңбек жолында оқып, өз біліктілігін, дағдыларын арттыруға тырысуы керектігін атап өтті.
Еңбек және халықты әлеуметтік қорғау министрі Светлана Жақыпова күні кеше қазақстандықтарға жақсы өмір сүру үшін көп табыс табу керектігін мәлімдеді.
Бұған дейін журналистер сауда және интеграция министрі Арман Шаққалиевтен қазақстандықтар табысының жартысынан көбін азық-түлікке қашан жұмсамайтынын сұраған болатын.
"Бір жақсы сөз бар: "Үлкен шығындардан қорықпаңыз, кішігірім табыстардан қорқыңыз". Бізге көбірек табыс табу керек", – деп жауап берді ол.
