Алмалы ауданында жаңа төрт аялдама салынады

Қала келбетін сақтауда көшелердегі аялдамалардың да өз орны бар. Осы орайда Алмалы ауданында төрт жаңа аялдама бой көтереді деп жоспарланып отыр.

Бұл туралы қала басшысы Е. Досаевтың Алмалы ауданы тұрғындарымен кездесуінде мәлім болды.

« Жыл басынан бері қадамдық қолжетімділікті қамтамасыз ету үшін Брусиловский көшесінде үш және Байтұрсынов көшесінде 1, барлығы 4 жаңа аялдама орнатылды.

Жыл соңына дейін тағы 4 көшеге: Мұқанов, Байзақов, Тілендиев және Панфилов көшелеріне аялдама орнатуды жоспарлап отырмыз, - деді қала әкімі.

Аялдама қала көшелеріне сән беріп қана қоймай, тұрғындар үшін де көптеген қолайлылық туғызады. Көше автобустарының қозғалысына да пайдасы бар.