Алаш автономиясын кімдер мойындады?

Алаш автономиясы – сол кездегі қазақ отырған территорияның басын біріктіретін мемлекет қалпы десек болады.

Николай патша тақтан құлаған соң, Ресей унитарлы мемлекет болуы керек пе, федерация болуы керек пе деген мәселенің өзі ұзақ талқыға түскен. Ең ықпалды деген саяси күштер мен партиялар Ресейде тіпті автономиялардың пайда болуын сеператизм санаған.

Сол себепті, қазақ зиялылары бұл кезеңде Алашқа жеке автономия алсақ деген ниетте болған. Сібір үкіметі де, Уфада құрылған директория да, Колчак диктатурасы да қазақ автономиясын құптаған жоқ. Комуч кештеу ғана декларация жариялап мойындады.

Суретте: Сол кездің басты ұраны “Ұлттарға автономия!” деген транспаранттың бір жағын көтеріп бара жатқан Міржақып.

Петроград, 1917 жыл.