2024 жыл: Мәдениет саласында қандай жетістіктер болды?

QazaqstanTV тізбектеп шыкты:

Ел мақтанышы Димаш Құдайберген Мажарстан аренасында әлемнің 77 елінен өз тыңдармандарын жинап, өнер көрсетті. Ал, Будапештте әлем мойындаған опера әншісі Пласидо Домингомен бірге ән шырқады. 
Халықаралық актер Джеки Чанның «Аңыз» атты фильмінің саундтрегін орындады.

Адам атты лақап атымен танымал отандық әнші Фаррух Тохтамұратовтың «Жүрек» әні 5 млрд тыңдалым жинап, Shazam-ның әлемдік рейтингтер топтамасында 13-ші орынға ие болды. 

Қазақтың бауырына салу дәстүрі негізінде әжесі тәрбиелеп өсірген баланың өмірі суреттелген, режиссер Асхат Кучинчирековтің «Бауырына салу» фильмі Францияда арнайы жүлдеге ие болды. Сондай-ақ «Тұлпар» ұлттық кино сыйлығының «Үздік фильм» номинациясын жеңіп алды. 

Әділхан Ержановтың «Дала қасқыры» фильмі де Бельгияда өткен халықаралық кинофестивальда бас жүлдеге ие болды. Киносыншылардың да арнайы марапатын алды.

Күллі әлем көз тіккен V Дүниежүзілік көшпенділер ойындары өтті. Жер-жаһанның 90-ға жуық мемлекетінен келген 2500-ге тарта спортшы сынға түсті. 97 медаль сарапқа салынды.

Қазақстан алғаш рет әйгілі Франкфурт кітап жәрмеңкесіне қатысты. 500 жылдан астам тарихы бар, кітап индустриясы саласындағы ең ірі тарихи шаралардың бірі.