Жапонияда өткен Азия ойындарында жеңіске жеткен Қазақстан спортшыларына мемлекет тарапынан төленетін сыйақы мөлшері белгілі болды, деп хабарлайды Alash.kz.
Министрлік бекіткен бұйрыққа сәйкес, Азия ойындарында топ жарып, алтын медаль еншілеген Чемпионға 10 мың АҚШ доллары беріледі. Ал күміс жүлдегерге 5 мың доллар, қола медаль иегеріне 3 мың доллар көлемінде қаржылай төлем қарастырылған.
Айта кетейік, Азиадада Қазақстан құрамасы жалпы есепте 84 медальмен 8-орынға тұрақтады. Оның ішінде 12 алтын, 24 күміс және 48 қола медаль бар. Осы нәтижелерге сәйкес, спортшыларға берілетін жалпы ақшалай сыйақы көлемі шамамен 384 мың АҚШ долларын құрайды, бұл қазіргі бағаммен есептегенде 172 миллион теңгеге тең.
