Қызылордалық 85 жастағы қария 34 жылда 2 миллион тал еккен деп хабарлайды Alash.kz .
Бектай Сүлейменов күн сайын 8 гектар жерді айналып, ағаштарға күтім жасайды. Шыбық егеді, суарады, шөбін отайды. Облыс орталығынан әуежайға бара жатқан жолдағы ағаштардың бәрі қарт бағбан өсірген көшеттерден шыққан.
«Қызылорданың топырағы тұзды. Мұнда ағаш ексең өліп қалады дейді көбі. Бірақ ол жалқаудың сөзі. Қылқан жапырақтыларды 11 жыл бұрын ектім. Қазір 5 метрге дейін өсті», – дейді қарт бағбан.
Қарияның сөзінше, Сыр өңірінің табиғи жағдайында көшетті күзде егудің қажеті жоқ. Сондықтан ол әрбір талды көктемде егіп, көктетіп жіберуге болатынын айтады.
«Ал жазда қылқан жапырақты ағашты ексең болады», - деп кеңес берді.
