Қазақстандық жігіт күніне 4 бөтелке энергетик ішкеннен реанимацияға түсті

Ол энергетикті екі жыл бойы күнде үзбей ішкен, деп жазады Alash.kz. 

20 жастағы науқаста ентігу, ауа жетіспеу, жүрек соғысының жиілеу, тәбетінің төмендеуі байқалған.

Жігіттің айтуынша, ол бұрын жүрек-қан тамырлары ауруларымен ауырмаған.

Энергетикалық сусындарды ішу салдарынан оған токсикалық кардиомиопатия және ауыр жүрек жеткіліксіздігі диагнозы қойылды.

Мамандар егер осы сусынды ішкен соң жүрек соғу жиілігінің жоғарылауы, мазасыздық, бас айналу, бас ауруы және ұйқысыздық байқалса, бірден кардиологқа баруды ұсынады.