Қайсар Қамза, трансгендер Никонет, Nakonay Qarapaiym: 34 блогер онлайн ойынды жарнамалағаны анықталды (ВИДЕО)

Олардың ішінде: Шыңғысхан Көпбаев, Айтмаханов Тәуіржан, Тұрғанов Наиль, Диляра Аманқосқызы және басқалар бар, деп жазады Alash.KZ.


sputnik.k сайтының телеграм арнасы жазғандай, 11-і әкімшілік жауапқа тартылды, ал 23-іне қатысты материал мәдениет министрлігіне шара қабылдау үшін жолданды. 

Мәселен, инфлюенсер Қайсар Қамза заңсыз ойындарды үнемі насихаттап, жалған жеңімпаздардың видеоларын жариялаған.

Наиль Тұрғанов (Niko_nett) онлайн-казино жарнамасы үшін 8 млн теңгеден астам қаржы алған.

Ал Нұрғазы Тоқтаров («Nakonay Qarapaiym») желіде жарнама үшін 15,8 млн теңге алып, оның жартысына жуығын сол платформалардың өзінде ойнап ұтылып қалған.

Миллиондаған табысқа кенелген блогерлер айыппұлдарын төлеп, заңсыз әрекетін қайта жалғастырып жүр.