Жамбыл облысы полиция департаменті бастығының бұрынғы орынбасары ұсталды. ІІМ Ішкі қауіпсіздік департаменті экс-орынбасардың қамауға алынунына қатысты пікір білдірді, деп хабарлайды Alash.kz.
Қазір Жамбыл облысы полиция департаменті бастығының бұрынғы орынбасары уақытша ұстау изоляторында отыр. Сотқа дейінгі тергеу жүріп жатыр.
2025 жылғы 29 тамыздағы ішкі істер министрінің бұйрығымен ол қызметінен "теріс себептер" бойынша босатылған.
ІІМ ресми хабарламасында оған қандай нақты айып тағылып отырғаны айтылмаған. Қылмыстық кодекстің бабы да, істің егжей-тегжейі де әзірге жария етілмеді, тек "заңсыз әрекеттер" туралы айтылады:
"Біз заңды және антты бұзғандар сөзсіз анықталып, жауапқа тартылады деген қағидатты ұстанамыз", - деді министрлік өкілдері.
