Маңғыстау облысының тұрғыны облыс әкімдігінің алдында өзін-өзі жағып жіберді. Ол өңір басшысының жеке қабылдауына кіргізуді сұрағаны белгілі болды, - деп хабарлайды Alash.kz ұлттық порталы.
Маңғыстау облыстық ішкі саясат басқармасының бұл жайлы хабарлады. Басқарма берген ақпаратқа сәйкес, 5 желтоқсанда облыс әкімдігінің ғимаратына бір тұрғын келіп, әкімге жолықтыруын сұраған.
Әкімдік қызметкерлері тұрғынды қабылдаудың реті келмейтінін айтып, бекітілген графикке сәйкес жазылып келуін өтінген.
Белгілі болғандай, өзін-өзі өртеп жіберген тұрғынды бұған дейін Қарақия ауданы әкімінің орынбасары қабылдаған. Хабарламада бұған қатысты:
"Оған қанағаттанбаған азамат үстіне жанғыш қоспаны құйып, өзін өртеп жіберді. Полиция мен әкімдік қызметкерлерінің күшімен өрт жедел сөндірілді. Жедел - жәрдем шақырылып, ол келгенше зардап шегушіге алғашқы медициналық көмек көрсетілді", - делінген.
