Актер Бекжан Тұрыс QazaqAiran YouTube арнасына сұхбат беріп, өзіне ұсынылған 400 мың доллардан неге бас тартқанын айтты, деп жазады Alash.kz ұлттық порталы.
«400 мың долларды алған жоқпын. Маған ұсынды, режиссер Арман Қарабаев. Сол хабарласты: «Бекжан, бір жерде бет ашу керек, сенің беташарың күшті ғой деп. Барғаннан кейін күтіп алды.
Бір кісі шықты: «Өй, мынау Бекжан ғой» деді. Сол бет ашатын үйдің әкесі екен. Бет аштым, содан кейін шыны керек үлкен ақша түсті.
400 жете ме деді, түсінбесем де: «иә» дедім. Болды деді, сейфті ашты. Сейфті ашқаннан кейін, ана ақшаны көріп, көзім тоқтап қалды. 400 мың дедің бе деді, бірден түсіндім маған ұсынып жатқанын.
«Ойбай» мынаны мен алмаймын дедім. Осыны шын маған беретін болсаңыз, менің ауылыма су шығарып беріңізші дедім. Бір адамнан мынадай естіген жоқпын, нағыз еркексің, әкеш қолыңды», - деді Бекжан Тұрыс.
