Бүгін Мәжілісте өткен отырыста Қазақстандағы той мен корпоративтерде өтетін "әдепсіз" ойындар туралы айтылды, деп жазады Alash.kz ұлттық порталы.
Сондай-ақ әлеуметтік желілерде, фильмдерде, жарнамада және басқа салаларда ЛГБТ үгіт-насихатына тыйым салатын заңға өзгерістер енгізу мәселесі талқыланды.
MadeniPortal.kz хабарлауынша, мәжіліс отырысы кезінде депутат Айна Мысырәлімова жаңа заң үйлену тойларында отбасылар балаларымен бірге қатысатын іс-шараларда әдепсіз элементтері бар конкурстар мен ойындар өткізілетіні жайлы айтты.
«Түрлі ойындар өткізіледі. Олардың ішінде сексуалды сипаттағысы да аз емес. Халқымыз балаларымен бірге тойларға барады. Заңда порнографияны, қатыгездік пен зорлық-зомбылықты насихаттайтын және балаларға зиян келтіретін массмедиа, әдебиет, мәдени-көркем іс-шараларды пайдалануға тыйым салынатыны жазылған», – деді ол.
Мәдениет вице-министрі Евгений Кочетовтың айтуынша, заңда қолданылған тұжырым бойынша бұл тыйым барлық көрермендік іс-шараларға, соның ішінде тойларға да таралады.
Алайда шенеунік бұл жаңа норма екенін және оның нақты қалай қолданылатыны мен бақылау тетіктері қандай болатыны әзірге белгісіз екенін атап өтті.
