Солтүстік Македониядағы түнгі клубта болған өрттен 51 адам қаза тапты, деп хабарлайды Alash.kz.
Солтүстік Македонияның Кочани қаласындағы түнгі клубта болған өрт салдарынан кемінде 51 адам қаза тауып, 100-ден астамы жарақат алды.
Өрт жексенбіге қараған түні Pulse клубында болған. Сол жерде елдегі танымал ADN хип-хоп дуэтінің концерті өтіп жатқан. Шараға шамамен 1500 адам жиналған.
Елдің Ішкі істер министрлігі өрттің себебі анықталып жатқанын, бірнеше адамның ұсталғанын мәлімдеді.
Жергілікті БАҚ-тың мәліметінше, өрттің шығуына пиротехниканы қолдану себеп болуы мүмкін.
