Сингапурда 49 жастағы Үндістан азаматы екі әйел алғаны үшін үш ай үш аптаға бас бостандығынан айырылды. Бұл туралы Alash.kz порталы Stan.kz ақпарат агенттігіне сілтеме жасап хабарлайды.
Сот дерегінше, ер адам 55 жастағы Сингапур тұрғынына үйленгеніне қарамастан, 2022 жылы Үндістанда екінші некеге тұрған. Бірінші әйелі тірі болғандықтан, ол некесі заңды күшінде қала берген. Екінші некесі де әлі ресми түрде бұзылмаған.
Құпия 2023 жылдың қыркүйегінде әшкере болды: ер адам екінші әйелінен туған сәбиін көру үшін перзентханаға келгенде, ол жерде жұмыс істейтін алғашқы жарына тап болған. Әйелі одан түсінік талап етіп, ол ақыры бәрін мойындауға мәжбүр болған.
Белгілі болғандай, екінші әйелі оған бірінші некесін бұзады деген уәдесіне сеніп қосылған. Бірақ ер адам уәдесін орындамаған соң, әйел Сингапурдың Еңбек министрлігіне шағымданған. Іс полицияға беріліп, ер адамға "қос некеге тұру" айыбы тағылды.
Сингапур заңына сәйкес, мұндай қылмыс үшін жеті жылға дейін түрме жазасы немесе 10 мың сингапур долларына (шамамен 625 мың рубль) дейін айыппұл қарастырылған. Бұған қоса, ер адам елдің тұрақты тұрғыны мәртебесін алу кезінде екінші әйелін жасырғаны үшін де жазаға тартылуы мүмкін.
