Өзбекстандағы АЭС құрылысы туралы қазақстандықтардың пікірін сұрау маңызды ма?
Өзбекстанда, Қазақстан шекарасынан 55 км қашықтықтағы Жизақ облысындағы Тузқан көлінің маңында атом электр станциясының құрылысы бойынша жобаны іске асыру басталды, деп жазады Alash.KZ.
Радиусы 250 км қашықтықта Түркістан облысы мен Шымкент қаласының 3 млн-нан астам халқы тұрады. Осыған қарамастан, Қазақстандағы қоғамдық тыңдаулар мен қазақстандықтардың Өзбекстандағы атом электр станциясы туралы пікірі сұралмады.
Сенат депутаты Нұртөре Жүсіп журналистің сұрағына жауап бере отырып, атом электр станциясының құрылысы Өзбекстанның ішкі мәселесі екенін атап өтті.
- Бірақ, сіздің сұрағыңыз орынды, өйткені Өзбекстанмен шектесетін біздің аудандардың халқы шынымен алаңдауы мүмкін. Сондықтан, менің ойымша, Қазақстанға бұл мәселені Сыртқы істер министрлігінің қатысуымен шешу қажет, - деді депутат.
