Түркістан облысы, Келес ауданына қарасты ауылда орын алған адам шошырлық оқиғаға заңмен нүкте қойылды, деп жазады Alash.kz.
37 жастағы өзбекстандық азамат туысына қонаққа келіп, көрші үйдің 8-сынып оқитын қызының етегін түрген. Жасөспірім жыныстық қысым көргенін ешкімге айтуға бата алмаған. Қыздың анасы баласының зорлыққа ұшырағанын тек жүктілік кезінде білген. Осыдан кейін бірден полицияға шағымданған.
Күдіктінің шетел азаматы, екі баланың әкесі екені анықталды. Ол сот барысында өз кінәсін мойындамаған. Дегенмен, тергеу барысында барлық дәлелдер мен биологиялық сараптамалар арқылы айыбы толық дәлелденді. Осы жәйттің бәрін ескеріп, сот педофилге өмір бойына бас бостандығынан айыру жазасын кесті.
Енді азғындыққа барған сотталушы жазасын айрықша режимдегі түзеу колониясында өтейді.
