Украинадағы соғыстың басталғанына екі апта өткен жоқ. Соған қарамастан 900 мыңға жуық украиндық бас сауғалап Польшаға өтсе, 150 мыңы Венгрияны паналаған. Еуроодақ өз аумағында 6,5 миллион босқынды қабылдауға дайын.
Бір тәуліктің ішінде украин шекарасынан батысқа қарай 132 мың адам өтті, деп хабарлады Мемлекеттік шекара қызметі.
"Бізге атыстың тыйылғаны керек, бітім керек, сол кезде адамдар елден қашпайды, үйлеріне қайта оралады. Бірақ олар қазір әбден шошып қалған" деді Гранди "Әл-Жазира" телеарнасына.
Азаттық радиосы көші-қон дағдары кезінде "Гуманитарлық дәліз" подкастын іске қосты. Онда украиналық босқындар бастан өткерген оқиғаларын баяндайды.
