Ресейлік журналист пен депутаттар Назаровтың анасына арнаған құттықтауын талқылады

Ресейлік журналист пен депутаттар Ардақ Назаровтың анасын құттықтағанын талқылап жатыр, деп жазады Alash.KZ.

Ресейлік журналист Ксения Собчак Қазақстан Мәжілісінде болған оқиғаға назар аударды. 10 қыркүйекте депутат Ардақ Назаров ресми мінберде анасын 70 жасымен құттықтаған.

Оның бұл әрекеті әлеуметтік желіде қызу талқыға түсті. Тіпті журналист Собчак Ресей Мемлекеттік думасы депутаттарының да пікірін сұрап көрді.

Комитет төрағасы Ярослав Нилов мұндай әрекеттің регламентке қайшы екенін айтты. Ал депутат Андрей Свинцов қазақстандық депутатты қолдады. Ол депутаттың да қарапайым адам екенін, егер ол жұмыс барысына кедергі келтірмесе, мұндай әрекетті қалыпты қабылдауға болатынын айтты.

Осылайша, Назаровтың құттықтауы Қазақстанда ғана емес, Ресейде де талқыланып отыр.

Ксения Собчак – Ресейдегі танымал тележүргізуші әрі журналист. Ол Қазақстанға қатысты жаңалықтарды тұрақты түрде көтеріп отырады. Бұған дейін ел парламентінің жұмысына байланысты пікір білдірген, сондай-ақ Астанаға арнайы келіп, бұрынғы ұлттық экономика министрі Қуандық Бишімбаевтың сот процесіне қатысқан.