Ресей Тұранды соттады - Украина үшін соғыспақ болған 19 жастағы қазақстандық 12 жылға сотталды

Шешімді Дон бойындағы Ростов қаласындағы Оңтүстік округтік әскери соты шығарды. Олар Қазақстан азаматы, 19 жастағы Тұран Устюговты террорлық ұйымға қатысып, террористік әрекетке үйренгені үшін 12 жылға соттады, деп жазады Alash.KZ. 

Тұранның анасы ұлының Украина сабында соғысқа барар кезде шекарада ұсталғанын айтқан еді. Енді баласының сотталғанын жеткізді.

Тергеу органдарының мәліметінше, оның телефонынан Ресейде террористік ұйым деп танылған "Орыс еріктілер корпусы" мен "Азов" полкына қатысты сауалнамалар табылған.

Сыртқы істер министрлігінің мәліметінше, жігітпен адвокаты ғана байланыста. Оның жағдайы қанағаттанарлық дейді.