“Оқиға орнында жан тапсырды”. Қайғылы жағдай: Астанада 41 жастағы құрылысшы қаза болды

14 желтоқсанда Астананың сол жағалауындағы тұрғын үй кешенінің құрылысында 41 жастағы жұмысшы қаза тапты, деп хабарлайды Alash.kz.

Құрылыс жұмыстары кезінде сыртқы қабырғаға монтаждалған көтергіш кранның тросы үзіліп кеткен. Ішінде болған ер адам биіктен құлап, алған жарақатынан оқиға орнында қайтыс болды.

Полиция қауіпсіздік ережелерінің бұзылуы фактісі бойынша сотқа дейінгі тергеу жүргізіп жатыр. Оқиғаның барлық мән-жайы анықталуда.