Кәрім Мәсімовтің қызы Тамила бұрынғы күйеуінен сотта оңбай жеңіліп қалды

Қазақстан ҰҚК-нің бұрынғы басшысы Кәрім Мәсімовтің қызы Тамилла Кәрім бұрынғы күйеуі Азамат Капеновтен мүлікті сот арқылы қайтарып ала алмады, деп жазады Alash.KZ сайты Ұлысмедиаға сілтеме жасап. 

Ерлі-зайыптылар 2013 жылдан 2019 жылға дейін некеде болған. Ал 2020 жылы мүлікті бөлу туралы келісімге қол қойған. Ол бойынша Қапенов Мәскеудің элиталық ауданы – Серебряный Борда орналасқан 1200 шаршы метрлік ғимарат пен 3 мың шаршы метрге жуық жер телімін алған. Бұл нысандардың жиынтық кадастрлық құны 750 млн теңгеден асады.

Үш жылдан соң Тамилла келісімді даулап көрді, бірақ сот арызын қанағаттандырмады. Судья тараптардың мүлікті бөлу келісімін ерікті түрде бекіткенін алға тартқан. Оның үстіне, 2023 жылы Капенов даулы мүлікті үшінші тұлғаға сатып жіберген.

Мәсімовтің қызының апелляциясы әзірге қаралмай отыр, құжаттар толық болмағандықтан, сот оны қыркүйектің соңына дейін қозғалыссыз қалдырды.