Әлеуметтік желіде Париж олимпиадасының чемпионы Елдос Сметовтің жас спортшыларға "уағыз-кеңес" айтқан видеосы тарады. Видео ұлттық ақпараттық ортада қызу талқыға түсті. Белгілі ұстаз Өмір Шыныбекұлы спортшының әрекетін сынға алды, деп хабарлайды Alash.KZ ұлттық порталы.
- Мен дұғаның қабыл болғанын сезіндім. Мен шыққан кезде қарсыластар көзіме кішкентай болып көрінді. Аналарды (қолыммен) ұстасам, бұрап тастайтындай көрінді. Алла солардың мысын басып қойды. Алла Тағала бізге ана-анамызды бонус ретінде берген. Ата-ана - осы өміріңді дұрыстауға да, ақыретіңді дұрыстауға да Алланың берген бонусы, - деді Елдос Сметов.
Белгілі ұстаз Өмір Шыныбекұлы спортшының әрекетін сынға алды:
- Елдосжан-ау, құдай берген денсаулықтың арқасында жаттығуларда шелектеп тер төккеніңді де айтсай...Ізіңді басып келе жатқан палуандар бәрін құдайға артып, тренировканы қояды ғой, мынау сөздеріңнен кейін...Тіпті анаң күліп жіберді ғой - деп жазды ол.
Қалың көпшілік Елдостың пікірін даттап та, қолдап та жатыр:
"Уағыз айтып молда боп кетпей, спортты жалғастыршы Елдос. Шәкірт тәрбиеле, орталықтар аш. Молдалар онсыз да көп","Бұндай құпияны айтпағаны дұрыс еді,бекер қылды.Құпиясын жасыра алмаған,кемеңгерлігін асыра алмайды-деген","Еңбек пен тәжірибені жоққа шығарғаны дұрыс болмады","Мына бала тойып алыпты ғой У-ағызға" деп жазды олар.
