Тірі болсам, қазаққа қызмет етпей қоймаймын!

Әлихан Бөкейхан

5 жыл таяқ жеп өмір сүрдім: Меломан тобының әншісі “Бишімбаев” болған ба?

11 маусым 2024 594
Нұрила Ақберен «Меломан» тобының әншісі Ғабит Бибасыұлынан ажырасуына не себеп болғанын айтты.
Бұл туралы Alash.kz ұлттық порталы хабарлайды.

Ол Анна Данченкоға берген сұхбатында ажырасуының басты себебін атады.

«Алты жарым жылдай бірге өмір сүрдік. Бізге ешкім араласқан жоқ. Ажырасу менің шешімім болды. Екі адамның бірі осы ойға бекінсе, оған үшінші адамның қатысы жоқ. Қазір әйел құқығы қатты қорғалып жатыр. Осыған мен қатты қуаныштымын. Бес жыл үйде отырдым. Бес жыл таяқ жеп өмір сүрдім. Осы аралықта керемет тамақ істеп, үй шаруасымен айналыстым. Бірақ ата-енемен бірге тұрмағандықтан, қандай келін екеніме баға бермей-ақ қояйын», – дейді Нұрила Ақберен.

Балаларының әкесі алимен төлемейді екен. Нұрила ханым әншінің тек балабақша ақшасын ғана төлейтінін баяндады.

«Үш баламен ажырасып, екі жылдан бері бөлек тұрып жатырмын. Ажырасқаннан кейін балаларға алимент те сұрамадым. Ол кісі тек балабақшасын ғана төлейді. Біздің ортақ келісіміміз осы болған. Одан кейін мүмкіндігінше ақшасы артық қалып жатса беріп тұрады. Өзім еңбекке ерте араласқандықтан, қаржылай тәуелсіз болдым. Декретте отырғандықтан табыс табуды үйреніп алдым. Ақшам болған соң, алиментке басымды ауыртқым келмейді. Соңғы кезде «алиментке беремін-ау» деген ой келіп жүр. Ауызекі келісім ештеңені шешпейді екен. Бәрін заң жүзінде болғанын қалаймын», – деді блогер.

5 жыл бойы таяқ жегенін айтты.

«Жеке парақшама шындықты жаза бастағанда ол кісінің туысқандары маған ренжіді. «Елге танымал өнер адамының атына күйе жақтың» деп айыптады. Сол кезде менің намысым мен арымды ешкім ойлаған жоқ. Бәрі балалы болғаннан кейін басталды. Мен жалған үмітпен өмір сүрдім. Адам өзгереді, отбасылық өмір осындай кезеңдерден тұруы керек деп қате түсінік таныттым. Бишімбаевтың ісін көріп отырып, қатты ауыр күйге түстім. Өйткені ешқашан өліп қаламын деп ойламайды екенсің. Соңғы кездегі соққыдан кейін, «мүгедек болып қалмаймын ба, менің кетуім керек» деген ой келді. Шапалақпен ұрдым дегенінің өзі – үш жұдырық. Соны түсіну керек», – дейді Нұрила Ақберен.

Бұл мақала туралы не ойлайсыз?