Мұхтар Мағауин жатқан жердің топырағы туған жері Шұбартауға жеткізілді, деп хабарлайды Alash.kz.
Juzmedia порталының хабарлауына қарағанда, жазушының ұлы Едіге Мағауин Америкадағы зиратынан алынған топырақты ата-бабалары жерленген Көпбейіт қорымына апарып қойды.
Баршатас ауылында жазушыға арнап жылдық ас беріліп, оған зиялы қауым мен туыстары қатысты. Мағауиннің барлық қолжазбалары мен мұрасы АҚШ-тағы отбасылық үйінде сақтаулы. Алдағы уақытта сол үйді мұражайға айналдыру жоспарланып отыр.
