Жамбыл облысында балалар құлдығы туралы жарияланымдардан кейін полиция іс қозғады, деп хабарлайды Alash.kz.
Балалар құқықтары бойынша уәкілетті өкілі Динара Закиева Жамбыл облысында екі баланың құлдықта ұсталғаны туралы ақпаратқа түсініктеме берді. Оның мәліметінше, балалардың орналасқан жері анықталған.
“Осы факті бойынша қылмыстық іс қозғалды. Аймақтық уәкілетті өкіл Даурен Бажанов балаларға барып, барлық жағдайды анықтап жатыр” – деді Закиева.
Бұған дейін әлеуметтік желілерде ашық формадағы екі кәмелетке толмаған баланың әлсіз халдегі видеосы тараған еді.
“Мал бағып жүрміз” деп жанайқайын айтып, елден көмек қолын сұраған балалардың денесін жара басып кеткен.
Телефонымды алып қойды, мал бағып жүрміз. Әр өткен көліктен сағат сұраймыз. Денемнің бәрі жара. Жатсам да, тұрсам да туған әкемнің қолына барсам деп тілеймін. Анам сөйлегісі келеді, бірақ өзі қорқады.
…Бізге көмектесіңіздерші, алып кетіңіздерші, өтінемін. Бізге қой жайғызады. Қой азайып қалса, бізден көреді. Сол қой үшін біз таяқ жейміз
Жарияланымның авторларының айтуынша:
Балалар Талас ауданында құлдықта болған. Балалардың бірі бес жыл бойы ұсталылып, соққыға жығылып, ұялы телефонын алғанын айтты. Сондай-ақ бала аштыққа ұшырап, мал бағуға және көшеде езуін сұрауға мәжбүр болғанын жеткізді.
