Жеңіл салмақта күш сынасатын Асу Алмабаев UFC-де қатарынан төртінші жеңісіне қол жеткізді, деп хабарлайды Alash.kz ұлттық порталы.
Лас-Вегаста өткен UFC турнирінде қазақ спортшысы Асу Алмабаев бразилиялық Матеусу Николауды шаң қаптырды. Атап айтқанда, көрсеткіштер бағанында жеңіл салмақ бойынша 14-ші орында тұрған Асу жетінші орында тұрған Николауды 29-28, 29-28, 29-28 есебімен жеңді.
Асу соңғы раундта қарсыласын нокдаунға түсіріп жеңіске жетті.
Асу өз спорт жолында осылайша 21-ші жеңісіне қол жеткізіп отыр. Оның жеке UFC рекорды қазір 4-0. Ол өзінің жеңісті сериясын қатарынан 17 жекпе-жекке дейін ұзартты. Ал Николау болса, ол үшінші рет қатарынан жеңіліске ұшырады.
Айта кетейік, Асу Алмабаев соңғы жекпе-жегін 16 маусым күні Лас-Вегаста өткен UFC Vegas 93 турнирінде америкалық Хосе Джонсонға (16-8) қарсы өткізіп, жеңіске жетсе, Матеус соңғы екі шайқасында Брэндон Ройвал және Алекс Перестен ұтылып қалған.
