Ресей президенті Владимир Путин жаңа қарудың сынақтары басталғанын мәлімдеді, деп хабарлайды Alash.kz сайты Ulysmedia.kz сайтына сілтеп.
– Жақын уақытта біз бұрын жариялаған жаңа қару туралы ақпаратты айта аламыз деп ойлаймын. Ол қазір сынақтан өтіп жатыр, – деді Путин Душанбеде өткен «Орталық Азия – Ресей» саммитінің қорытынды баспасөз мәслихатында.
Ресей қаруы жиі істен шығып жатады. Мұны Путиннің өзі де мойындаған. Ол AZAL ұшағының апатының себебін түсіндіре отырып, апат кезінде Ресейдің әуе қорғаныс жүйесі украиналық дронды атып түсірмек болғанын, бірақ жүйеде ақау болып, зымырандардың ұшақ маңында жарылғанын айтты.
