Оның сөзінше, Рерих шын мәнінде 2012 жылы емес, 2002 жылдан бастап елден кеткен.
“Өмірден өткендер туралы не жақсы айту керек, не шындықтан басқаны айтпау керек” – ежелгі грек саясаткері әрі ақыны Хилон (б.з.д. VI ғ.) “Танымал қазақстандық тележүргізуші, медиаменеджер Владимир Рерих қайтыс болғаны белгілі болды. 2012 жылы Владимир Рерих Германияға тұрақты тұруға көшті, өйткені Қазақстанда жұмыссыз қалды”, – деп жазды қазақстандық бұқаралық ақпарат құралдары.
Шын мәнінде Рерих Германияға 2002 жылы алғаш рет көшіп барды. Алдымен туыстарын көшіріп алып, 2004 жылы Дариға Назарбаева мен оның күйеуі Рахат Әлиев басқарған “Асар” партиясының “қара кассасын” өзімен бірге алып кетті”, – деп жазды журналист.
2004 жылы Қазақстанда Мәжіліс сайлауы өтті. Ибраш Нүсіпбаевтың айтуынша, осы кезде Дариға Назарбаева Рерихке штабын басқаруды және “Асар” партиясы үшін кәсіпкерлерден Рахат Әлиев алған қаржыны, барлық ақшаны басқаруды тапсырған. Ал Мәжіліс сайлауында “Асар” партиясы жеңіске жетіп, сайлаушылардың 11,38 пайыз дауысын жинапты.
“Бұл жеңісті Дариға Назарбаеваның ортасы қатты тойлады, ал аңғал Рерих мұндай қуанышта ешкім “қара кассадағы” қалған ақшаны санайды деп ойламады. Нәтижесінде кассаны алып, Германияға ұшып кетті. Алайда Рахат Әлиев “қара касса” туралы бәрін білді және Рерихке өз адамдарын Германияға жіберді. Олар Әлиевке “қара кассаны” ғана емес, “пайыздарын” да қайтарып берді. Осыдан кейін Рерих Германияда түксіз қалды. Тілді білместен Германияда жұмысқа орналасу мүмкін емес еді. Осылайша, Рерих Қазақстанға оралуға мәжбүр болып, Дариға Назарбаеваның аяғына жығылып кешірім сұрады”, – деп жазды журналист.
Дариға Назарбаева Рерихты кешірмесе де, әрі қарай өмір сүруі үшін “Хабарда” “Поздний Рерих” бағдарламасын ашуға рұқсат беріпті. Алайда бағдарлама “Хабар” эфирінде 2012 жылға дейін жұмыс істеп, рейтингі төмен болуына байланысты жабылған. Рерихтің өзі оның себебін басқаша деп санаған.
