Оқу-ағарту министрі Жұлдыз Сүлейменова пәндердерді біріктіруге қарсы екенін мәлімдеді, деп жазады Alash.kz ұлттық порталы.
”Осыдан бір ай бұрын еліміздің белсенді ұстаздаздарымен кездескенбіз. Сол жерде де бұл сұрақ бізге қойылған еді. Бүгінгі таңда 2025 жылы Ы.Алтынсарин атындағы Ұлттық білім академиясымен жалпыға міндетті білім стандарты бекітілген. Аталған стандарттың негізгі мазмұнында сіз айтып отырған биология, химия, физика пәндерін біріктіру арқылы ғылым деген жаңа пәнді енгізуге байланысты өздерінің ұстанымдарын білдірген.
Бүгінгі таңда аталған стандарт республикалық ғылыми-практикалық білім мазмұнын сараптау орталығында пробациядан өтуде. Осыдан кейін ғана біз білім беру бағдарламаларын қайта қарап бекітетін боламыз. Жеке менің пікірім, бұл пәндерді біріктіруге өзім түбегейлі қарсымын. Өйткені, физика болсын, химия болсын, биология болсын, ол жердегі пәндердің мазмұны, мақсаттары, тақырыптары мүлдем бөлек. Сондықтан қазіргі таңда Оқу-ағарту министрі ретінде осы пәндерді жеке сақтап қалу үшін біз жұмыс істеп жатырмыз. Неге? Өйткені біз қазіргі таңда технологиялық прогресске аяқ басатын мемлекет ретінде бізде мықты математиктер, мықты физиктер, мықты химиктер болуы керек. Бұл - бір мәселе. Екінші мәселе - мектеп оқушылары базалық деңгейде аталған пәндерді өте жоғары деңгейде меңгеруі өте өзекті. Сондықтан жеке өз басым бұл пәндердің бөлек сақталып, бөлек пән ретінде одан әрі бағдарламалардың бекітілуіне еңбек ететін боламыз”,- деді Оқу-ағарту министрі Жұлдыз Сүлейменова.
